LOS Elektro er fast leverandør for ein av Bergens mest ikoniske kulturarenaer, og har sidan 2014 har hatt rammeavtale med Grieghallen. Omtrent kvar veke er fagfolk frå LOS Elektro inne i bygget for å bidra til at teknikken sit som han skal – enten det handlar om service, vedlikehald eller nye installasjonar.
– Grieghallen er ein kunde me har hatt eit tett og godt samarbeid med i mange år. Me kjenner bygget godt, og det gjer at me kan jobba effektivt og finne gode løysingar raskt. Det er eit spennande miljø å jobba i, seier avdelingsleiar Ola Stokka.
Fargerike lysveggar med millimeterpresisjon
Det siste prosjektet i rekka er ein installasjon som er godt synleg: RGB-lysveggar med over 1200 individuelt styrte lysdiodar. Her har LOS Elektro levert både prosjektering, programmering og installasjon, i godt samarbeid med Signify.
– Dette var eit utruleg kjekt prosjekt som er litt utanfor det vanlege elektrikararbeidet. Her har me brukt DMX-styring, som vanlegvis vert brukt i sceneteknikk, for å kunne kontrollere kvar enkelt diode – og kor raskt dei skiftar farge og mønster. Det gir enorm fleksibilitet og flotte visuelle effektar, forklarer prosjektingeniør Øystein Sortland.
Løysinga er utarbeida i samarbeid med Grieghallen og Haltenbanken, og gir medarbeidarane full kontroll over lyset – anten det skal vere temafargar til eit bestemt arrangement, fargerik bevegelse eller diskret belysning.
Godt samarbeid gjer gode løysingar
Oppdraget med lysveggane føyer seg inn i rekka blant mange prosjekt LOS Elektro har levert i Grieghallen. Med faste oppdrag nesten kvar veke, kjenner teamet både bygget og systema ut og inn.
– I 2024 oppgraderte me scenebelysningen i Griegsalen, som me installerte som ein del av vårt første prosjekt i Grieghallen i 2013. Me er inne på alt frå mindre serviceoppdrag til slike større installasjonar. Det er eit bygg der teknikken må fungere kvar einaste dag, og då må du ha ein samarbeidspartnar som stiller opp og kjenner behova, seier Stokka.
Grieghallen er berre eitt av mange prosjekt storkunde- og prosjektavdelinga i Bergen jobbar med. Med høg teknisk kompetanse og brei erfaring frå komplekse installasjonar, leverer dei løysingar til mange kundar i Bergensregionen – frå kulturbygg til industribedrifter og store infrastrukturprosjekt.
